හැඳින්වීම
මෙය ප්‍රධාන වශයෙන් 6 ශ්‍රේණිය සිට 11 ශ්‍රේණිය දක්වා සිසුන්ගේ චිත්‍ර කලාව විෂය නිර්දේශයට අදාළව ඉගෙනුම් සම්පත් සහිත බ්ලොග් පිටුවකි. චිත්‍ර කලාව විෂය සඳහා අත්‍යවශ්‍ය ඡායාරූප ආදිය පහසුවෙන් සිසුන් වෙත සම්ප්‍රේෂණය නොවීම නිසා මෙවැනි කාර්යයකින් එම තත්ත්වය යම්තාක් දුරකට හෝ තුරන් වනු ඇතැයි අපේක්ෂා කරමු. මෙම බ්ලොග් පිටුවෙහි පල කෙරෙන ඡායාරූප, චිත්‍ර හෝ වෙනයම් විෂය කරුණු pdf file ලෙස පහසුවෙන් download කර මුද්‍රණය කරගැනීමට හැකි අයුරින් ඉදිරිපත් කෙරේ. ඉදිරියේ දී ඇතුලත්වන සජීවී පාඩම් youtube ඔස්සේ වඩාත් පැහැදිළි අයුරින් නැරඹීමට හැකිවන පරිදි ඉදිරිපත් කිරීමට අපේක්ෂා කරමු. මෙම කටයුත්ත ර/ මහින්ද විද්‍යාලයේ චිත්‍ර කලා අංශයේ ආචාර්යවරුන් වන සේනක කනුගල, නිශාන්ති අනූපමා හා ඉන්දික සෙනෙවිරත්න යන ගුරු භවතුන්ගේ මූලිකත්වයෙන් දියත් කරනු ලැබේ. ඉදිරියේ දී අවශ්‍ය පරිදි විවිධ සම්පත් පුද්ගල දායකත්වය ලබා ගනිමින් දරුදැරියන්ගේ සාධන මට්ටම් ඉහළ නංවනු වස් විවිධ ක්‍රියාකාරකම් ඉදිරිපත් කිරීමට අපේක්ෂා කරමු. ඔබට අවශ්‍ය ඉගෙනුම් තොරතුරු සඳහා පහසුවෙන් ළඟා වීමට Pages ශීර්ෂය යටතේ ඇති ඔබගේ ශ්‍රේණිය මත clik කරන්න. මෙහි දී ඔබගේ අදහස් හා අවශ්‍යතාවන් mahindaart@gmail.com යන ලිපිනයට e mail කරන්නේනම් එය මෙම කටයුත්ත වඩාත් සාර්ථක කරගැනීමට හේතුවන අතර දරුවන් වෙත ඵලදායී යමක් ඉදිරිපත් කිරීමට මහත් පිටුබලයක් සැපයේ.
